نص كلمة السيسي في افتتاح كأس الأمم الإفريقية وتعليقه عقب انتهاء مباراة الافتتاح 21/6/2019
بسم الله الرحمن الرحيم،
شعب مصر العظيم،
أشقائنا شعوب الدول الإفريقية العريقة،
اسمحوا لي في البداية، أن أرحب بكم جميعًا.. (تصفيق) وبالإخوة الأعزاء أبناء قارتنا الإفريقية الغالية (تصفيق) في وطنهم الثاني مصر، متمنيًا لكم جميعًا التوفيق.
على بركة الله، أعلن افتتاح بطولة كأس الأمم الأفريقية.. (تصفيق) البطولة الثانية والثلاثين لكرة القدم.. شكرًا.
السيسي: أوجه التحية للقائمين على تنظيم الجهد اللي إنتوا شايفينه ده، على مدى، يعني شهور قليلة الحقيقة، خلال ال4 شهور اللي فاتوا دول، كل الجهد اللي إنتوا شايفينه ده في كل الاستادات اللي اترفع كفائتها، وبالشكل اللي إنتم شايفينه والتنظيم اللي اتعمل.
وطبعًا ده إحنا، يعني كان في إطار إن إحنا قلنا إن إحنا مصر عندما تتقدم لتنظيم عمل ما، بتقدم نفسها لأشقاءها في أفريقيا، وكمان لشعبها يعني.
وطبعًا إحنا يهمنا في ال، في المباريات ديت اللي هاتم، يعني خلال الفترة ال، فترة البطولة يعني، إن الأمور تخرج بالشكل اللي يليق بمصر، سواء كان في أداء اللاعبين المصريين، أو حتى المباريات التانية.
فـ.. مبروك مقدمًا كدة للتنظيم، وللشكل اللي إن شاء الله زي ما قلت كدة شكل بداية كدة طيبة جدًا لينا، و.. نشوف بقى المباريات خلال الفترة اللي جاية،
مذيع 1: مبروك يا فندم..
السيسي: والجمهور المصري،
مذيع 1: مبروك يا فندم.
السيسي: الجمهور المصري يعني يبقى بردو يساهم بوجوده في كل المباريات عشان يخلي ال، يعني مايبقاش التشجيع مش بس على قد ال، الفرق المصرية يعني.
فمبروك علينا كلنا..
مذيع 1: مبروك يا فندم، أكيد يا فندم هذا العام القيادة السياسية المصرية تريد أن ترسل رسالة إلى شباب القارة السمراء. ابتداء من هذا العام وعام الشباب الإفريقي، مدينة أسوان هي مدينة الشباب الإفريقي، واليوم مصر تتحمل هذه المسؤولية الصعبة في وقت ضيق، وتتحمل مسؤولية تنظيم كأس الأمم بهذا الشكل الذي يليق بمصر وبالقارة السمراء.
إذن، أكيد هناك رسالة القيادة المصرية تريد إيصالها للقارة السمراء ولشباب القارة.
السيسي: إحنا عايزين نقول إن إحنا رسالتنا كانت مش بس دلوقتي..
مذيع 1: نعم.
السيسي: رسالتنا من أول ما تولينا المسؤولية وقلنا إن إحنا، آآ خلـ، اهتمامنا بأفريقيا، بأشقائنا بكل القارة، وإنتوا شوفتوا حجم الحركة، وحجم الجهد، وحجم التعاون مع أشقائنا والتنسيق يعني.
فـ، ال، ال.. استضافتنا لهذه البطولة هي في هذا الإطار بردو، إن إحنا بنقول إن إحنا دولة بتتعاون مع أشقاءها، وبتعمل على إن هي توفر ما يمكن أن يتم تقديمه في بطولة زي كدة، وأتصور إن زي ما إنت قلت كدة في ال، مع المؤتمر الشباب، وال، إحنا بنحاول إن إحنا نتحدث إلى كل شبابنا، سواء كان في مصر، أو في الشباب الأفريقي، في إطار إن إحنا بردو، يعني، نتولى دلوقتي رئاسة الاتحاد، ومابنتكلمش على قد مصر، بنتكلم على قد مصر والدول الأفريقية.
ولو إنتوا شوفتوا الجهد اللي بيتعمل بقى، يعني على مستوى وزارة الصحة، والوزارات المختلفة للتعاون عشان ال، ال، تولي مصر رئاسة الاتحاد يعني، نقدر الأهداف اللي إحنا حطيناها ننجح فيها. فالبطولة جزء من الموضوع يعني، جزء من الموضوع.
مذيع 1: مبروك يا فندم.
السيسي: متشكرين شكرًا جزيلًا.
مذيع 2: برحب بحضرتك الأول طبعًا فخامة الرئيس طبعًا عبد الفتاح السيسي، يعني في البداية ألف مليون مبروك طبعًا على الفوز اليوم، طبعا كلمة حضرتك تحب تقولها للشباب، طبعا كل من عمل في هذا المجال، إن إحنا نطلع بهذا العُرس طبعًا العالمي اللي بنشوفه اليوم ده..
السيسي: هو أنا عايز أٌول إن إحنا قلنا إن البطولة ديت وتنظيمها بالشكل ده، حتى فيم يخص الإجراءات الجديدة بتاعة الحجز التذاكر، والإجراءات الأمنية اللي إحنا عاملينها اللي إحنا عملناها ديت، نحافظ عليها، وهاتبقى دي، يعني أعتقد إنها فرصة لينا إن إحنا بقى خلاص تبتدي البطولة المصرية سواء للدوري ولا الكاس تاخد وضعها، وشبابنا يحضر، وشباتنا يحضروا المباريات، بالشكل اللي إحنا شايفينه ده.
يعني هو ده الحد اللي إحنا عايزينه من شبابنا إن هم لما يحضروا، يتواجدوا في الماتشات، يستمتعوا باللعب ويشجعوا، وده الي إحنا، وأنا أتصور إن إحنا إن شاء الله خلال المباريات القادمة في الدوري والكاس هايبقى إحنا، إن شاء الله أداءنا إن شاء الله يبقى بالشكل دوت يعني.
فـ، بهنيهم وأقولهم ده كله عشانكوا.. عشانكوا يعني..
مذيع 2: سيادة الرئيس أشكرك شكرًا جزيلًا.
السيسي: متشكرين، كل سنة وإنتوا طيبين، شكرًا جزيلًا.
ألقيت الكلمة في ستاد القاهرة الدولي، بحضور رئيس مجلس الوزراء الدكتور مصطفى مدبولي، وأحمد أحمد رئيس الاتحاد الأفريقي لكرة القدم، وذلك قبيل بدء حفل افتتاح بطولة أمم أفريقيا. فيم جاء تعقيب الرئيس مباشرة بعد انتهاء مباراة مصر الأولى ضد زيمبابوي، والتي فاز فيها المنتخب الوطني بهدف نظيف أحرزه تريزيجيه.