الصفحة الرسمية للرئيس على فيسبوك
الرئيس السيسي

نص كلمة السيسي في افتتاح منتدى شباب العالم 3/11/2018

منشور الأحد 4 نوفمبر 2018

 

بسم الله الرحمن الرحيم،

صوت أحد الجمهور "بنحبك يا ريس"

وإحنا بنحبكوا كلكوا.. (تصفيق) بس، خلوني قبل، قبل ما نفتتح ال، المؤتمر، إن أنا أوجهلكم جميعًا كل التحية وكل التقدير، وكل الاحترام، وأهلًا بيكم، أهلًا بيكم في مصر. (تصفيق).

وبردو قبل ما افتتح المؤتمر، أنا بقولك يا نادية، يا نادية، مش إحنا، إحنا هانخلي أول توصية للمؤتمر ده، هو الاعتراف، إحنا هانطالب العالم بالاعتراف بالجريمة اللي عملها داعش، ومش بس داعش، (تصفيق) وكل التنظيمات المتطرفة في العالم، وهانكون إحنا في مصر، وهانكون إحنا في مصر...

خلي بالك أنا بتكلم مش على قيادة وحكومة، أنا بكلم العالم كله إللي موجود معانا. إحنا في مصر، شعب مصر، رفض التطرف والتمييز والعنصرية، الشعب المصري، واتحرك 30 مليون مصري ومصرية، شاب وشابة، راجل كبير وسيدة، وأطفال عشان يقولوا لأ، في مصر هنا، لأ للتمييز ولأ للفاشية ولأ للتمييز الديني. (تصفيق)

أنا بس بقولكوا كدة كأول.. هانتحدث في الموضوعات دي، خلال الفعاليات بتاعة المؤتمر.. لكن اسمحولي إن أنا بقولكم..

بسم الله الرحمن الرحيم، وبسم الله، الذي يعبد في قلوب كل البشر، وباسم الانسانية التي هي ممر الله المستودع في قلوبنا، ومن أجل بناء جسور الأمل، يعبر بها الشباب، شباب هذا العالم، نحو السلام والتنمية والإبداع، ومن أجل عالم مفعم بالأمل والجمال، ومن أجل الحلم الأعظم بإنسانية بلا صراعات أو نزاعات، وعالم بلا فقر أو جهل أو مرض.

من هنا، من أرض السلام والمحبة والتاريخ، من شرم الشيخ، أعلن افتتاح منتدى شباب العالم 2018 (تصفيق).


ألقيت الكلمة في مدينة شرم الشيخ، ضمن فعاليات منتدى شباب العالم، بمشاركة 5000 شاب وفتاة ممثلين ل160 دولة، وبحضور عدد من المسئولين وبعض من رؤساء الدول والحكومات.


خدمة الخطابات الكاملة للسيسي تجدونها في هذا الرابط